ძვირფასო თანამემამულენო,

პირველად ჩეხეთის რესპუბლიკაში გამოვიდა ჩეხურ ენაზე ნათარგმნი საქართველოს ისტორიის ილუსტრირებული, ელექტრონული ვერსია, რომლის ნახვა ნებისმიერ მსურველს შეუძლია. ეს პროგრამა ყველა მნახველს გააცნობს არა მარტო ისტორიას, არამედ საქართველოს ისტორიულ და ბუნებრივი ძეგლებსაც.

ჩემი პირადი ინიციატივით ეს პროექტი დავიწყე 2009 წლის იანვარში და მოვანდომე სამ თვეზე მეტი.  ამ თემის მოსამზადებლად მოვიშველიე ქართველი ისტორიკოსის ბატონ დავით მუსხელიშვილის ”საქართველოს ისტორიის ნარკვევი” (ინგლისური ენაზე).

16 იანვარს მოსკოვის წმინდა გიორგის სახელობის ტაძარში, ლადო ასათიანის ხსოვნისადმი მიძღვნილი საღამო ჩატარდა. საღამოს ორგანიზატორები მოსკოვში არსებული ქართული ახალგაზრდული მოძრაობა "ლაზარეს" წარმომადგენლები იყვნენ. ღონისძიებას დაესწრნენ ქართული კულტურის თაყვანისმცემელნი. "ლაზარეს" მესვეურებმა აღნიშნეს მეტად სასიხარულო ფაქტი - დამსწრე საზოგადოება, არა მხოლოდ ლიტერატორებისგან შედგებოდა, არამედ ღონისძიებას ბევრი ახალგაზრდა ესწრებოდა. "ლაზარეს" წევრებმა შეახსენეს მათ ლადო ასათიანის ცხოვრების დეტალები, მისი შემოქმედება, გააცნეს ქართველი პოეტის პოეზიის თავისებურებანი - განსაკუთრებული სიღრმე, ექსპრესია, ემოცია...

ნათლისღების დღესასწაულს ბათუმში ზღვაში შესვლით შეხვდნენ. ათწლიანი ტრადიციის თანახმად, ზღვის სანაპიროზე მორწმუნეები შეიკრიბნენ და ღამის 12 საათის შესრულების შემდეგ ზღვაში იბანავეს, რითიც ნათლისღება სიმბოლურად გამოსახეს.

საიტის ადმინისტრაციის სახელით გილოცავთ ნათლისღების ბრწყინვალე დღესასწაულს, მრავალს დაესწარით, ამ დღის მადლი შეგეწიოთ მთელი ცხოვრების მანძილზე

2010 წლის 7 იანვარს, საქართველოს საელჩოსა და ყაზახეთის ქალაქ ასტანაში არსებული ქართული კულტურის ცენტრის - "კოლხეთის" ინიციატივით, ქართული საკვირაო სკოლა "დედაენა" გაიხსნა. სკოლა საქართველოს საელჩოს შენობაში მდებარეობს.